مكياجي في القرقيعان

هذا البوست الاول الي يكون مختص بالميك أب و حبيت يكون سهل وواضح ومبسط واتمنى يعجبكم ويجاوب على كل اسالتكم وهذا كان ماكياجي ….
ماكياج برونز مع الوان الشدو العسليه و لمسات فيروزيه …

image

اول شي استخدمت كريم اساس من لوريال لونه اغمج من لون بشرتي علشان اللوك البرونزي حلو عجبني وفيه نسبة حمايه من الشمس
L’Oréal
True Match ( Amber )
SPF 17

image

والكونسيلر استخدمت لهاللوك من مايبيبلن
Maybelline
(Fit me)

image

وطبعا لازم ترطيب تحت العين والبشره قبل الكونسيلر وكريم الاساس علشان لا يتكتل ويخطط معانا الكونسيلر و البنات الي سألوني شلون نخفي السواد تحت العين فانصحهم يستخدمون مصحح لون برتقالي للاسف ماصورته بس موجود في اغلب الماركات ويوضع بالطبطبه تحت العين بعدين نحط فوقه الكونسيلر فيختفي السواد  ..
ونيي حق ماكياج العين

image

طبعا الماكياج ناعم واعتمد بشكل كامل على الشدو بدون ايلاينر في هاللوك اول شي العدسات كوريه اخذتها من معرض من الاخ دشتي Blue Bloood بس بصراحه ما اعرف اسمها بالضبط بس لونها ذهبي  وبصراحه عجبتني وايد مريحه

image

بالنسبه للشدو استخدمت للجفن المتحرك اللون الذهبي الي بالنص من باليت نيكد 2 و اللون البيج الي عاليسار حق تحت الحاجب

image

وحق تحت العين و فوق العين بدال الايلاينر و على عضمة العين من فوق استخدمت البني الغامج.. اول واحد عاليمين من باليت ايسادورا
Isadora

image

وداخل العين حطيت لون فيروزي مطفي من
Barry M ( mat )

image

وركبت رموش ما خذتهم من
ILLAMASQUA

image

وفوقهم ماسكرا الدانتيل  حبيتها حلوه
Maybelline

image

ورسمت حواجبي بتاتو ميك اب فور ايفر
Mack up for ever
AQua Brow

image

بالنسبه للبلشر فمن جيرلان اللون البرونزي بلمعه ذهبيه طبعا قبلها نثرته على كل الويه بفرشه كبيره وبعدين ركزت لونه اكثر على الوجنات علشان يعطي اللوك البرونزي الحلو

image

image

والحمره استخدمت من ماركة
Anna sui
وايد حبيت هالماركه ترطب والوانها رووعه وعلبهم تينن بس انا ما خذتها من بره الكويت و مادري بالضبط وين تنباع بالكويت وانشالله القاها والي يعرف يفيدني بليز لان وايد عاجبتني

image

image

وانشالله يكون عجبكم اللوك وارحب بتعليقاتكم المتعلقه بالميك اب وانشالله اكون جاوبت على كل اسإلتكم وشكرا

image

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s